Ábyrgð og árangur stjórnarmanna
Helstu upplýsingar
Um námskeiðið
Markmið námslínunnar er að efla faglegan grunn stjórnarmanna m.a. með þjálfun á sviði lagalegra, fjárhagslegra og siðferðilegra viðfangsefna.
Einstaklingar sem sitja í stjórnum verða að kunna skil á góðum stjórnarháttum enda fylgir stjórnarsetu mikil ábyrgð. Þátttakendur í námslínunni læra um hlutverk stjórna út frá rekstri, lögum, teymisvinnu, siðfræði, samfélagsábyrgð og mörgum öðrum þáttum.
Þessi þekking gerir þá einstaklega vel í stakk búna til að sinna stjórnarsetu af fagmennsku.
Meðal þess sem fjallað er um:
- Árangursríka stjórnarfundi og afmörkun starfsheimilda
- Skráning félaga á verðbréfamarkað
- Samskipti við hluthafa
- Verkaskiptingu milli hluthafafundar, stjórnar og framkvæmdastjóra
- Áhættustýringu
- Hlutverk stefnumótunar
- Réttarheimilidir og lagalega ábyrgð stjórna
- Innleiðingu ábyrgra starfshátta
- Lykilþætti árangursríkrar teymisvinnu
Um stjórnir
Vitundarvakning um góða stjórnarhætti hefur aukist á undanförnum árum. Stjórn félags fer með æðsta vald þess á milli hluthafafunda og sér til þess að skipulag félags og starfsemi sé jafnan í réttu og góðu horfi. Stjórn skal jafnframt stuðla að viðgangi félags og langtímaárangri og hafa eftirlit með daglegum rekstri þess.
Fyrir hverja er námskeiðið
Námið er kjörið fyrir stjórnarmenn fyrirtækja, stofnana og eftirlitsskyldra aðila samkvæmt skilyrðum Fjármálaeftirlitsins sem og þeim sem hyggjast gefa kost á sér til stjórnarsetu.
Skipulagið
Námslínan er alls 24 klukkustundir. Kennt er á miðvikudögum í átta námslotum, frá kl. 9 til 12. Sjá nánari upplýsingar undir Dagsetningar og dagskrá eða með því að smella hér á kennsluáætlun.
Kennarar í námslínunni eru sjö talsins, hvert og eitt með sína sérfræðiþekkingu á mikilvægum þáttum tengdum stjórnarsetu. Þau eru ráðgjafar, endurskoðendur, mannauðsstjórar og viðskiptasiðfræðingar, rannsakendur og lögmenn. Í einstaka lotum koma jafnframt gestafyrirlesarar.
Nemendur þurfa ekki að þreyta próf og þeim er ekki sett fyrir heimavinna.
Hagnýtar upplýsingar
Flest stéttarfélög niðurgreiða hluta námskeiðsgjalda fyrir sína félagsmenn.
Átt þú rétt á styrk frá stéttarfélagi til að sækja nám eða námskeið?
Kannaðu málið.
Verkefnastjóri
Leiðbeinendur
