Opni háskólinn og atvinnulífið

Sérhannaðar fræðslulausnir Opna háskólans (OH) í HR er þjónusta hönnuð til að mæta þörfum hvers og eins fyrirtækis eða stofnunar með áherslu á gæði, öryggi og skilvirkni. Við leggjum upp með faglega og persónulega þjónustu og vinnum náið með sérfræðingum bæði Háskólanum í Reykjavík og úr atvinnulífinu. Með þessu nána samstarfi getum við boðið upp á sérhannaðar fræðslulausnir byggðar á nýjustu þekkingunni og reynslu og lagt er kapp við að hafa námskeið og námsleiðir í takt við þarfir atvinnulífsins.

Opni háskólinn í HR er fyrir fyrirtæki og stofnanir

Við sjáum um allt – frá hugmyndavinnu og hönnun til framleiðslu, framkvæmdar og eftirfylgni. Þannig getur þú treyst því að fræðslan sé ekki aðeins fræðandi heldur einnig árangursdrifin.

Markmið þjálfunar, menntunar og kennslu á vinnustað getur verið mismunandi, allt eftir eðli starfseminnar og þörfum. Samstarf OH við stjórnendur fyrirtækja hefst með þarfagreiningu svo hægt sé að útbúa sérhannaða þjálfunar- og fræðsluáætlun til þess að þróa hæfni, möguleika og vöxt starfsfólks í samræmi við tilgang og markmið hvers vinnustaðar. Fræðslulausnir geta spannað allt frá einum deigi upp í nokkra mánuði, allt eftir þörfum hverju sinni.

Verkefnin hafa verið eins fjölbreytt og þau eru mörg því þarfirnar eru ólíkar. Sem dæmi höfum við sérsniðið námskeið fyrir fyrirtæki sem stóð frammi fyrir tæknibreytingum. Í slíku tilfelli leituðum við til kollega úr tölvunarfræðideild HR og í samvinnu var þróuð fræðslulausn sem svaraði kalli viðskiptavinarins. Í öðrum tilfellum finnum við rétta námskeiðið sem nú þegar er tilbúið hjá OH. Við höfum því ýmsar leiðir til þess að sækja sérþekkingu og stilla upp fræðsluáætlun eða stöku námskeiði fyrir viðskiptavini.  

Hvað er í boði?: 

Þarfagreining og markmiðasetning – við kortleggjum raunverulegar fræðsluþarfir og mótum námsleiðir sem styðja við stefnu fyrirtækisins.

Hannaðu þinn eigin skóla – byggðu upp innri fræðsluvettvang sem heldur utan um þjálfun starfsfólks, með okkar sérfræðingum sem baklandi.

Sérsniðnar námsleiðir – hvort sem um er að ræða vinnustofur, stafrænt nám á eigin hraða eða beinar útsendingar, við setjum saman lausnir sem henta ykkur best.

Pakkalausnir – við getum raðað saman námskeiðum og efnistökum í pakka sem endurspegla ykkar þarfir.

Efnisframleiðsla – við framleiðum fræðsluefni fyrir námskerfi fyrirtækja í fullkomnu studio HR

Áframhaldandi stuðningur – með áskriftarlausnum tryggjum við að fræðslan festist í sessi og viðhaldist til lengri tíma.

Skema – Forritun og tækni námskeið fyrir börn þíns starfsfólks

Þriðja æviskeiðið – Hvað tekur við þegar þriðja æfiskeiðið hefst, sésniðið fyrir þinn vinnustað og opin námskeið í Opna háskólanum (Magnavida)

Ráðstefnur/fræðsludagar – settu upp mini ráðstefnur fyrir þinn vinnustað

Opnum á samtalið, þetta hefst þar.