Að lifa breytingar - breytingastjórnun

Breytingar geta einungis orðið farsælar ef stjórnendur og starfsmenn vinna saman til þess að láta þessa flóknu vegferð skila árangri.

Markmið námskeiðsins er að auka skilning þinn á eðli breytinga. Auka skilning þinn á því hvaða áhrif breytingar hafa á fólk og vinnustaði og hvaða ráða má grípa til, í því skyni að auka árangur breytinga. Og ekki síst, að gera breytingar að bærilegri lífsreynslu. 

Þetta námskeið er ætlað starfsmönnum og stjórnendum sem ganga í gegnum breytingar á sínum vinnustað. Alveg óháð því hvers konar breytingar, því það er alltaf ákveðinn grunnur sem við þurfum að hafa kláran.

Námskeiðið er á stafrænu formi sem gerir þátttakendum kleift að fara yfir efnið á þeim tíma sem hentar þeim.
Efni námskeiðsins er aðgengilegt í gegnum kennslukerfi Opna háskólans.

Flest stéttarfélög niðurgreiða hluta námskeiðsgjalda fyrir sína félagsmenn. Opni háskólinn hvetur þig til að kynna þér möguleikana.