APME verkefnastjórnun
Helstu upplýsingar
Um námskeiðið
Nám í APME verkefnastjórnun veitir alþjóðlega IPMA vottun samkvæmt stigi D sem er staðfesting á þekkingu á sviði aðferðafræði verkefnastjórnunar. Með náminu bæta nemendur skipulag og utanumhald verkefna, verða betur í stakk búnir til að taka erfiðar ákvarðanir, jafnvel undir álagi, og efla sig sem leiðtoga.
Ávinningur af faglegri verkefnastjórnun er mikill en aðferðafræðin nýtur sífellt meiri vinsælda í atvinnulífinu og er nýtt jafnt í þróun vöru og þjónustu svo og breytingastjórnun. Námið hentar þeim sem vilja nota alþjóðlega viðurkennda aðferðarfæði verkefnastjórnar í störfum sínum. Kennarar koma úr verkfræðideild Háskólans í Reykjavík eða eru sjálfstæðir ráðgjafar og sérfræðingar í stjórnun.
Við lok námsbrautar fá nemendur afhent prófskírteini og staðfestingu á námsárangri. Nemendur þurfa að hafa lokið öllum námskeiðum með lágmarkseinkunn.
Meðal þess sem kennt er:
- Helstu aðferðir til að taka bestu mögulegu ákvörðun.
- Þjónandi forysta og leiðtogafræði.
- Markmiðasetning í verkefnum og eftirlitskerfi.
- Uppbygging stefnumiðaðra gæðakerfa, aðfangastjórnun, birgðastýring og framleiðslubestun.
- Gerð arðsemilíkana fyrir fjárfestingaverkefni og áætlanir um fjárstreymi.
- Gerð verkáætlana og kostnaðarútreikninga.
- Tölfræði, notkun og greining líkana.
- Helstu tæki og tól eins og Excel, MS Project og MindManager
Fyrir hverja er námskeiðið
Námið hentar þeim sem vilja nota alþjóðlega viðurkennda aðferðarfæði verkefnastjórnar í störfum sínum.
„Ég er nú þegar farin að nýta mér tímastjórnun, taka eftir fleiri eiginleikum leiðtoga sem mér þykja eftirsóknaverðir, nýta mér Excel á annan hátt og pæla í heildarmynd verkefna (í lífi og starfi) sem ég er að vinna í, bæði stórum og smáum. Ég get ekki annað en mælt með APME – verkefnastjórnun. Faglegir kennarar, gott utanumhald og hópavinnan dýrmæt."
Kristrún Ósk Karlsdóttir, skrifstofustjóri á Landspítala.
Skipulagið
APME verkefnastjórnun er fjarnám en staðarlotur eru haldnar í Reykjavík að jafnaði tvisvar sinnum fyrir hvert námskeið. Í staðarlotum er kennt kl. 9-15. Kennsla hefst í september og lýkur með alþjóðlegu vottunarprófi í maí. Fimm námskeið eru kennd í sex vikna lotum þar sem hverju námskeiði lýkur með prófi eða verkefni. Hljóðfyrirlestrar eru settir inn á sameiginlegt vefsvæði nemenda á þriðjudögum og fimmtudögum.
Að baki hverju námskeiði liggja u.þ.b. 120-180 klukkustundir í vinnuframlagi. Við mat á vinnuframlagi er áætluð tímasókn í staðarlotum, undirbúningur fyrir heimavinnu, hlustun á hljóðglæru, sem settar eru inn á sameiginlegt vefsvæði, próftaka, prófundirbúningur og verkefnavinna.
Vinsamlegast athugið að nemendur þurfa að koma með og nota PC tölvur í náminu.
Hagnýtar upplýsingar
Innifalið í verði
- Námskeiðsgögn frá leiðbeinendum, það er, hljóðglærur og annað efni.
- Alþjóðlegt vottunarpróf á vegum IPMA (International Project Management Association).
- Léttur hádegisverður í staðarlotum.
Bækur sem stuðst við í náminu eru ekki innifaldar í verði námsins.
Flest stéttarfélög niðurgreiða hluta námskeiðsgjalda fyrir sína félagsmenn.
Átt þú rétt á styrk frá stéttarfélagi til að sækja nám eða námskeið?
Kannaðu málið.
Verkefnastjóri
Leiðbeinendur
