OHR - Bókarar - Grunnur - Fjarnám með einni staðarlotu

Námskeiðið er kennt í fjarnámi, með einni staðarlotu, og eru fyrirlestrar aðgengilegir allt árið.

Námskeiðið skilar bókurum fjölbreyttri þekkingu á reikningshaldi, lögum um skattskil og tölvukerfum. Jafnframt er það góður undirbúningur fyrir frekara nám í faginu t.a.m. námslínununa OHR Bókarar - Viðurkenndir bókarar. 

Meðal þess sem kennt er:

• Töflur og formúlur í Excel
• Útgáfa reikninga
• Virðisaukaskattur
• Laun og tengd gjöld
• Mat krafna, birgða og útreikningur lána
• Ársreikningur
• Skattskylda og undanþágur
• Hlutverk bókara og bókhaldslögin
• Tekjuskráning og staðgreiðsla

Farið er í grunninn í bókhald og því eru ekki neinar forkröfur í námið. Námskeiðið hentar einnig fyrir þá sem eru þegar með einhverja reynslu af bókhaldsstörfum eða þekkja grundvallaratriði í bókhaldi en vilja snerpa á þekkingu sinni. 

Fyrirlestrar eru aðgengilegir allt árið - ein staðarlota innifalin

Námið er 48 klst. og er fjarnám. Þar af er staðarlotan 16 klst. og er skipulögð tvisvar yfir árið. Þær fara fram í kennslustofu í Opna háskólanum í HR.

Þátttakendur eru skráðir í þá staðarlotu sem er nær í tíma eftir því hvenær þeir skrá sig í námið og fá aðgang að efninu. 

Fyrirlestrarnir samanstanda af:

1. Reikningshald (fjarnám)

Sex fyrirlestrar sem bera þessa titla:

• Bókhald
• Bókun tekna og virðisaukaskattur
• Bókun kostnaðar
• Laun og tengd gjöld
• Mat og færslur
• Afstemmningar

2. Skattskil (fjarnám)

Tveir fyrirlestrar:

• Skattskil hluti I
• Skattskil hluti II

3. Staðarlota

Dagsetningar á næstu staðarlotum:

• Laugardagur 4. október 2025 kl 9-17
• Sunnudagur 5. október 2025 kl 9-17

OG

• Laugardagur 7. mars 2026 kl 9-17
• Sunnudagur 8. mars 2026 kl 9-17

Mælt er með því að vera búin/n að fara yfir námsefnið áður en mætt er í staðarlotuna.

Kennsla

Þrír reyndir kennarar sjá um kennslu; löggiltir endurskoðendur og héraðsdómslögmaður.

Nemendur þurfa ekki að þreyta próf og ekki eru sett fyrir aukaverkefni.  Verkefni eru unnin um leið og hlustað/horft er á fyrirlestrana.

Vinsamlega athugið að dagsetningarnar á staðarlotunum eru birtar með fyrirvara um breytingar og að lágmarksþátttaka náist.

Að námi loknu

Nemendur fá staðfestingu á að hafa lokið námslínunni með upplýsingum um innihald námsins og hversu margar klukkustundir það tók. Námskeiðið er góður undirbúningur fyrir námskeiðið OHR Bókarar - Viðurkenndir bókarar.

Hagnýtar upplýsingar

• Gert er ráð fyrir því að þátttakendur hafi með sér tölvu í staðarloturnar.
• Innifalið í verði eru öll námskeiðsgögn.

Flest stéttarfélög niðurgreiða hluta námskeiðsgjalda fyrir sína félagsmenn.
Átt þú rétt á styrk til að sækja nám eða námskeið?
Kannaðu málið

Linda Vilhjálmsdóttir

E-mail: lindav@ru.is

Tel: 599 6341