Mannauðsstjórnun og leiðtogafærni
Helstu upplýsingar
Stutt lýsing
Verðmæti fyrirtækja og stofnana velta ekki hvað síst á mannauðnum sem þar starfar hverju sinni. Sýnt hefur verið fram á að skilvirk og stefnumiðuð mannauðsstjórnun skilar sér í bættum rekstri og frammistöðu skipulagsheilda og meiri ánægju starfsmanna.
Um námskeiðið
Nú í boði er snemmskráning sem gildir til 31. október 2025. Skráðu þig núna og nýttu þér 10% afslátt með kóðanum SnemmV26
Það er allra hagur að starfsmönnum líði vel í vinnunni, að þeir viti að hverju þeir stefna og finnist þeir geta leitað til yfirmanna sinna með ýmis úrlausnarefni á vinnustaðnum. Mannauðsstjórnun tekur til þessara þátta en um leið svo miklu fleiri - eins og jafnréttis á vinnustað, liðsanda, leiðtogahæfni og lagaumhverfis. Þróun og efling mannauðs er mikilvægt verkefni í hvaða fyrirtæki sem er og að þessu námi loknu hafa þátttakendur hlotið þjálfun í notkun mismunandi aðferða til að ná því markmiði.
Meðal þess sem er kennt:
- Leiðir til að auka sköpunargleði og bæta frammistöðu starfsmanna.
- Lagalegar hliðar ráðninga og uppsagna.
- Frammistöðustjórnun og frammistöðumælingar
- Aðferðir til að auka jafnrétti á vinnustaðnum.
- Aðferðir til að efla liðsheild og teymisvinnu
- Markþjálfun
- Sáttamiðlun
Fyrir hverja er námskeiðið
Námið er opið öllum en hentar sérstaklega vel fyrir þá sem hafa áhuga á að geta betur tekist á við verkefni sem tengjast mannauði. Ekki er krafist ákveðinnar reynslu eða sérstakrar menntunar.
Skipulagið
Um kennslu í námslínunni sjá sjö færir sérfræðingar; stjórnendaráðgjafar og mannauðsstjórar, lögmenn og framkvæmdastjórar. Námið byggist á fjölbreyttum kennsluaðferðum og hagnýtum verkefnum.
Skipulag námsins
Námið er 48 klst. Kennt er á þriðjudögum, í hverri viku kl. 9-15 frá janúar til mars 2026
Námið er einungis kennt einu sinni á ári.
Próf og heimavinna
Þátttakendur þreyta ekki próf og þeim er ekki sett fyrir heimavinna. Þeir geta þó þurft að lesa stutt raundæmi (e. case) eða sambærilegt fyrir upphaf einhverra lota.
Hagnýtar upplýsingar
Þátttakendur fá staðfestingu á að hafa lokið námslínunni. Ekki fást einingar fyrir námslínuna.
Flest stéttarfélög niðurgreiða hluta námskeiðsgjalda fyrir sína félagsmenn.
Átt þú rétt á styrk frá stéttarfélagi til að sækja nám eða námskeið?
Kannaðu málið.
Verkefnastjóri
Leiðbeinendur
