Notkun á Claude á hagnýtan hátt
Helstu upplýsingar
Um námskeiðið
Claude er eitt öflugasta gervigreindartækið í dag og hentar vel fyrir texta- og gagnavinnu, skýrslugerð, og flóknari verkefni.
Þetta námskeið er hannað fyrir þá sem eru að stíga sín fyrstu skref og vilja læra að nota Claude af öryggi í daglega starfinu án þess að eyða tíma í óþarfa tæknipælingar.
Á þremur klukkustundum ferð þú í gegnum helstu eiginleika Claude með praktískum æfingum. Áherslan er á raunveruleg dæmi úr vinnuumhverfinu: hvernig á að spyrja réttu spurninganna (prompting), vinna úr gögnum og texta, og nýta sjálfvirka agenta (AI agents) til að einfalda og flýta fyrir flóknari ferlum.
Það sem þú lærir:
- Grunnurinn og uppsetning: Hvernig Claude virkar og hvernig þú færð sem best svör með réttri uppbyggingu fyrirmæla (prompt engineering).
- Texta- og skjalavinnsla: Hvernig á að nýta Claude til að draga saman langar skýrslur, greina PDFskjöl, yfirfara texta og skrifa markvissan póst.
- Gervigreindaraðstoðarmenn (AI Agents): Kynning á því hvernig Claude getur starfað sem sjálfstæður aðstoðarmaður, keyrt flóknari verkferla í mörgum skrefum, fylgt ákveðnum reglum og leyst af hendi sérhæfð verkefni.
- Verkefnamiðuð notkun (Projects & Artifacts): Hvernig á að byggja upp sértæk verkefnasvæði og sniðmát í Claude til að halda utan um samræmd vinnubrögð og vörumerkjaáherslur.
- Upplýsingaöryggi og trúnaður: Hvers ber að gæta þegar unnið er með gögn og upplýsingar fyrirtækja.
Fyrirkomulag
Námskeiðið er 3 klukkustundir og byggist á stuttum kynningum fléttuðum saman við praktískar æfingar. Þátttakendur vinna með raunveruleg dæmi til að tryggja að hægt sé að færa þekkinguna beint yfir í daglega vinnu.
Fyrir hverja er námskeiðið
Sérfræðinga, stjórnendur og starfsfólk sem vill ná tökum á Claude og nýta tæknina til að auka gæði og spara tíma í sínum verkefnum. Námskeiðið miðast við byrjendur og enga kröfu um forþekkingu á gervigreind.
Skipulagið
Námskeiðið er 3 klst.
Milli kl 9-12
Hagnýtar upplýsingar
Nemendur fá létta morgunhressingu.
Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.
Athugið að ef greiðsluseðill er valinn er hægt að greiða inn á seðilinn í þínum netbanka.
Flest stéttarfélög niðurgreiða hluta námskeiðsgjalda fyrir sína félagsmenn.
Átt þú rétt á styrk frá stéttarfélagi til að sækja nám eða námskeið?
Kannaðu málið.
Verkefnastjóri
Leiðbeinendur
