OHR Bókarar - Viðurkenndir bókarar
Helstu upplýsingar
Stutt lýsing
Snemmskráningar afsláttur gildir til og með 15. maí 2026. Skráðu þig núna og þú færð 10% afslátt með kódanum: SnemmH26
Um námskeiðið
Umfangs- og efnismikið nám í grunnatriðum reikningshalds og skatta fyrir lítil til meðalstór fyrirtæki. Hægt er að velja á milli staðarnáms eða fjarnáms.
Áður hét námslínan Viðurkenndir bókarar - og námið hentar afar vel undir þau próf.
Um er að ræða hagnýtt og viðamikið bókhaldsnám sem hannað er út frá raundæmum á atvinnumarkaðinum.
Í þessu námi er gert ráð fyrir að þátttakendur búi yfir þekkingu á undirstöðuatriðum bókhalds.
Meðal þess sem er kennt:
- Reikningshald
- Uppsetning ársreikninga
- Skattamál lögaðila og einstaklinga
- Útreikningur tekjuskatts
- Framtalsgerð
Í lok námsins er stefnt að því að nemendur:
- Hafi dýpri skilning á meginreglum reikningshalds
- Hafi aukna þekkingu á því lagaumhverfi sem bókhald og reikningsskil eru byggð á
- Hafi betri hæfni í notkun Excel því mikil áhersla er lögð á hana
- Hafi almenna innsýn í skattalög og reglur varðandi skattlagningu fyrirtækja og einstaklinga
- Þekki betur upplýsingaskyldu og verklag varðandi virðisaukaskatt og aðra vörsluskatta
Kennslan
Leiðbeinendur eru allir löggiltir endurskoðendur með mikla reynslu
Kennararnir búa yfir margra ára reynslu af prófagerð og undirbúningi nemenda til viðurkenningar bókara. Þeir þekkja námsferlið afar vel sem gerir þeim kleift að koma því einstaklega vel til skila. Þeir eru starfandi sérfræðingar á sviði bókhalds og endurskoðunar og miðla af þekkingu sinni og reynslu með raunhæfum dæmum úr íslensku atvinnulífi.
Fyrirlestrar og dæmatímar
Kennsla fer fram í fyrirlestraformi og í dæmatímum þar sem farið er í mikið af verklegum æfingum í Excel.
Þekkingarpróf
Nemendur munu leysa stutt rafræn krossapróf reglulega yfir námstímann.
Þeir sem standast öll prófin fá staðfestingu á því að hafa klárað þetta nám.
Námið hentar afar vel sem undirbúningur undir prófin, Viðurkenndir bókarar sem haldin eru af Prófamiðstöð Íslands ehf.
Fyrir hverja er námskeiðið
Námið er einkum ætlað starfsfólki bókhalds-, fjármála- og hagdeilda fyrirtækja og sjálfstætt starfandi bókurum. Mælt er með því að umsækjendur hafi unnið við bókhald í a.m.k. 2-3 ár og hafi á þeim tíma sinnt margvíslegum og krefjandi bókhaldsstörfum. Sér í lagi ef stefnt er að því að taka prófin til Viðurkennds bókara.
Skipulagið
Námið er ein önn og stendur nemendum til boða bæði í staðarnámi og fjarnámi.
Kennt er þrjú kvöld í viku, á mánudögum, þriðjudögum og miðvikudögum milli kl 17-21.
Námið hefst í lok ágúst og lýkur í byrjun desember.
Þátttakendur fá tímabundinn aðgang af upptökum úr tímunum sem bjóða upp á sveigjanleika fyrir bæði staðarnema og fjarnema.
Allt kennsluefni er rafrænt.
Hagnýtar upplýsingar
Skírteini
Þeir þátttakendur sem standast öll þekkingarpróf í náminu fá skírteini þess efnis.
Fyrirvari
Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.
Greiðsla námsgjalda
Athugið að ef greiðsluseðill er valin er hægt að greiða inn á seðilinn í þínum netbanka.
Flest stéttarfélög niðurgreiða hluta námskeiðsgjalda fyrir sína félagsmenn.
Átt þú rétt á styrk til að sækja nám eða námskeið?
Kannaðu málið
Verkefnastjóri
Leiðbeinendur
