Magnavita - Staðan í hálfleik

Staðan í hálfleik – ein heildarvegferð

Staðan í hálfleik er heildstæð vegferð fyrir fólk sem vill taka næsta kafla lífsins meðvitað og af öryggi. Námið hjálpar þér að staldra við, horfa fram á veginn og móta skýra sýn á framtíðina. Þú styrkir tengsl sem skipta máli, lærir að nýta gervigreind og nýja tækni, undirbýrð fjárhagslegt svigrúm og frelsi og eflir heilsuna til framtíðar.

Markmiðið er einfalt; að fjölga spennandi og heilbrigðum æviárum og veita þér gagnreynda þekkingu og verkfæri til að hanna næsta kafla lífsins.

Nemendur:

• Uppfæra sína sýn á tækifæri til framtíðar
• Vinna persónulega stefnumótun – hvernig líta næstu 10-20 árin út?
• Taka stöðuna til að endurstilla áttavitann og móta persónulega stefnu. Hver er staðan og hvert skal stefna í lífi og starfi?
• Skipuleggja starfsþróun næstu ára
• Efla tengslanet og samskipti sem skapa tækifæri og skipta máli í lífi og starfi
• Nýta möguleika gervigreindar og tæknibreytinga, því gervigreind og reynsla er mögnuð samsetning og veitir forskot í framtíðina
• Skoða þróun starfa í ljósi gervigreindar og tæknibreytinga
• Láta peningana vinna fyrir þig, ekki öfugt
• Efla heilsu og taka hana föstum tökum
• Vinna leikskipulag fyrir næsta kafla lífsins

Frekari upplýsingar inn á magnavita.is

Námið er ætlað fólki á aldrinum 40 til 55 ára sem vill endurmeta og efla sína sýn á framtíðartækifæri og hafa verkfæri til að grípa þau.

Námið er fyrir fólk sem vill:

• Endurstilla áttavitann fyrir næstu 10–15 ár
• Styrkja tengsl og tengslanet
• Skilja og nýta gervigreind og ný tækifæri
• Ná betri stjórn á fjármálum
• Efla heilsu, orku og lífsgæði
• Fara úr hugsun og pælingum í framkvæmdir sem skila árangri.

Hvers vegna ætti ég að fara á svona námskeið?

Lífið breytist.

Flest okkar undirbúum breytingarnar ekki nægilega vel og meðvitað en markviss persónuleg stefnumótun getur skipt sköpum.

Magnavita byggir á rannsóknum, reynslu og öflugum leiðbeinendum sem hjálpa þér að undirbúa næsta kafla með skýrari sýn og meiri krafti.

Námskeiðin eru hönnuð með skýra hugmyndafræði að leiðarljósi:

• Gagnreynd nálgun: Allt efni byggir á nýjustu þekkingu og vísindalegum rannsóknum
• Einfaldleiki: Þekking og vísindi dregin saman á einfaldan hátt svo þátttakendur geti greint hvað skiptir mestu máli
• Hagnýtt nám: Þekking sem nýtist í daglegu lífi
• Litlar breytingar sem skila miklu yfir lengri tíma: Áhersla á litlar, stöðugar breytingar sem hafa veruleg langtímaáhrif

Námskeiðin samanstanda af fyrirlestrum og hagnýtum verkefnum sem þátttakendur vinna.

Fyrirkomulag náms

• Í náminu eru 10 kennsludagar
• Við hefjum leik 15. janúar 2027 og klárum 19. febrúar. Hittumst svo aftur í maí til eftirfylgni og útskriftar
• Kennt er hálfan dag í senn, á föstudögum frá 13:00-17:00 og á laugardögum frá 9:00-13:00 og ein fríhelgi 29. og 30. janúar.
• Við byrjum á mikilvægi stefnumótunar og ræðum leiðir til að námið skili sér í árangri fyrir nemendur. Við taka fjögur tveggja daga námskeið. Loks er eftirfylgni og útskrift um þremur mánuðum síðar.

Leiðbeinendur
Reynslumiklir og öflugir leiðbeinendur sjá um kennsluna. 

Heiti námskeiða

• Stefnumótun og innleiðing stefnu
• Tengslanet og samskipti sem skapa tækifæri
• Gervigreind, tækni og þróun starfa
• Láttu peningana vinna fyrir þig, ekki öfugt
• Vertu heilbrigðari og sterkari lengur
• Eftirfylgni og útskrift seinnipartinn í maí

Starfsmenntasjóðir:
Námið er styrkhæft hjá flestum starfsmenntasjóðum stéttarfélaga. 

Réttindi sem hafa áunnist geta verið mismunandi og eftir atvikum umtalsverð. Við bendum því fólki á að skoða vel sína sjóði hjá þeim stéttarfélögum sem það er aðili að með því að skrá sig inn í gegnum sína réttindagátt. Aðra möguleika má skoða á attin.is.

Íris Bjarnadóttir I irisbja@ru.is